Abdulla Oripov tavalludining 85 yilligiga bag‘ishlangan adabiy-badiiy tadbir o‘tkazildi
2026-02-26 13:00:00 / Yangiliklar
Sirdaryo tumani 12-son Bolalar musiqa va san’at maktabida O‘zbekiston xalq shoiri, O‘zbekiston Qahramoni Abdulla Oripov tavalludining 85 yilligi munosabati bilan adabiy-badiiy tadbir bo‘lib o‘tdi.
Tadbir doirasida O‘zbekiston davlat drama teatri jamoasi tomonidan sahnalashtirilgan “Yillar armoni” spektakli tomoshabinlar e’tiboriga havola etildi. Spektakl buyuk shoirning hayot yo‘li, iztiroblari, orzu-armonlari va Vatanga cheksiz sadoqatini yuqori badiiy talqinda aks ettirdi. Sahna orqali shoirning ijodi, qalbidagi dard-u shodliklar hamda millatga bo‘lgan muhabbati chuqur ifoda etildi.
Ta’kidlash joizki, adabiyot ixlosmandlari spektaklni iliq kutib olib, shoirning hayoti va ijodiy merosi bilan bog‘liq yangi nuqtai nazarlarni kashf etdilar. Mazkur spektakl nafaqat shoirning hayoti va ijodini yoritish, balki yosh avlod qalbida milliy madaniyat va adabiyotga mehr uyg‘otishda ham muhim ahamiyat kasb etdi.