Xalq deputatlari Sharof Rashidov tuman Kengashining sakkizinchi sessiyasi o‘ktazildi.
2025-05-30 16:00:00 / Yangiliklar
Tadbirda O‘zbekiston Respublikasi Prezidentining 2025-yil 14-martdagi “Oila va xotin- qizlarni qo‘llab-quvvatlash tizimini yana-da takomillashtirish chora-tadbirlari to‘g‘risida” PQ-103-sonli qarorining tumandagi ijrosi to‘g‘risida Tuman hokimi o‘rinbosari, oila va xotin-qizlar bo‘limi boshlig‘i L.Mamayunusova,
O‘zbekiston Respublikasi Prezidentining “Yoqilg‘i- energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ-133-sonli qarorining tumandagi ijrosi to‘g‘risida Tuman hokimi o‘rinbosari B.Isroilov,
Tumandagi maktabgacha ta’lim va maktab ta’limi muassasalari faoliyati, bolalarni sog‘lom ovqatlantirish va o‘quvchilarga berilayotgan ta’lim sifatini oshirish bo‘yicha amalga oshirilgan ishlar to‘g‘risida Tuman Maktabgacha va maktab ta’limi bo‘limi boshlig‘i D.Sadriddinovalarning hisoboti tinglandi.
Qolaversa, “Mahallaning ijtimoiy - iqtisodiy muammolarini hal etish jamg‘armasi” daromadlari va xarajatlarining 2025-yil I chorakdagi ijrosi hamda O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonun talablari asosida, tuman Sanitariya Epidemiologik osoyishtalik va jamoat salomatligi bo‘limining 2024-yil hamda 2025-yilning o‘tgan davri davomida amalga oshirgan ishlari to‘g‘risidagi hisobotlari ham sessiya qatnashchilari diqqat markazida bo‘ldi. Kun tartibida ko‘rib chiqilgan masalalar yuzasidan sessiyaning tegishli qarori qabul qilindi.