Jizzax viloyati Sharof Rashidov tumani hokimligi

Har yili Xalqaro oila kuni ma’lum bir mavzu asosida o‘tkaziladi. Bu mavzular oila oldida turgan global muammolarga e’tibor qaratishga xizmat qiladi. Oila – inson hayotidagi eng muhim tayanchlardan biridir. Sog‘lom va mustahkam oila – sog‘lom jamiyat va taraqqiyot poydevoridir. Aynan oilada inson ilk bor mehr, muhabbat, hurmat, sabr-toqat, odob kabi muhim fazilatlarni o‘rganadi. O‘zbekistonda ham bu kun keng nishonlanib, viloyat, tuman va mahalla miqyosida turli madaniy-ma’rifiy tadbirlar, davra suhbatlari, ko‘rik-tanlovlar tashkil etiladi. “Ibratli oila”, “Eng mehribon oila”, “Oila – tarbiyaning boshlanish nuqtasi” kabi tanlovlar yoshlar va oilalar uchun ibratli maktab bo‘lib xizmat qilmoqda. 

15-may Xalqaro Oila kuni munosabati bilan Sharof Rashidov tumanidagi tadbirlar ertalabki badan tarbiya mashqlari bilan boshlandi. Sharof Rashidov tuman hokimligi, Oila va Xotin qizlar boʻlimi tomonidan Moʻlkanlik, Toshkentlik, Qoʻshkoʻprik, Qatortol mallalarida "Farovon oila" shiori ostida "Salomatlik sari 5000 qadam" ommaviy sport tadbiri =fv shular jumlasidan. Tadbir davomida to'gʻri ovqatlanish va sogʻlom turmush tarzi yuritish mavzusida davra shuhbatlari olib borildi. Tadbirda 60 dan ziyod xotin-qizlar va ularning farzandlari ishtirok etishdi. Ommaviy yurish, ertalabki badan tarbiya ishtirokchilarga ko'tarinkilik baxsh etgani bilan ahamiyatli bo'ldi. Bilamizki, badan tarbiya va sogʻlom hayot-bu inson salomatligini saqlash, jismoniy va ruhiy holatini yaxshilashga xizmat qiluvchi muhim omillardir. Badan tarbiyaning foydalari, jismoniy salomatlikni mustahkamlaydi – yurak-qon tomir, nafas olish tizimi, suyak va mushaklar kuchayadi, immunitetni oshiradi-tananing kasalliklarga chidamliligi ortadi, metabolizmni yaxshilaydi – ortiqcha vazn va diabet kabi kasalliklar xavfi kamayadi.

Sogʻlom turmush tarzi asoslari, to‘g‘ri ovqatlanish – meva-sabzavot, tozalangan suv, oqsillar va kam yog‘li mahsulotlar iste’moli,harakatli hayot – kuniga kamida 30 daqiqa jismoniy faollik (yugurish, yurish, raqs, sport), uyqu rejimi – kechasi 7-8 soat sifatli uyqu, zararli odatlardan voz kechish – chekish, spirtli ichimliklar, fastfuddan saqlanish zarurdir. Targ’ibot tadbirida shular hususida ishtirokchilarga batafsil ma’lumotlar aytib o’tildi.

Sharof Rashidov tuman hokimligi, tuman Tibbiyot birlashmasi hamda tuman Oila va xotin-qizlar bo'limi bilan hamkorlikda Ziyokor oilaviy shifokor punktida esa tibbiy ko'rik tashkil etildi. “Ona va bola salomatligi-oila garovi” mavzusidagi tibbiy ko'rikka tajribali shifokorlar, tibbiy asbob-uskunalar, UZI, EKG apparatlari jalb etildi. Tibbiy koʻrikning foydalari juda katta bo‘lib, kasalliklarni erta aniqlash, ko‘rik orqali jiddiy kasalliklar (yurak xastaliklari, diabet, saraton) dastlabki bosqichda aniqlanadi, erta tashxis – osonroq va samaraliroq davolanish imkonini beradi. Tibbiy ko’rik davomida shifokorlar sog‘lom turmush tarzi, ovqatlanish va jismoniy faollik bo‘yicha tavsiyalar berishdi. Vaksinalar va vitamin yetishmovchiligi aniqlanib, oldini olish choralari belgilanadi. Tibbiy ko'rikni Oila kuni munosabati bilan tashkil etiliganida ham o'ziga hos mazmun mujassamki, unda yosh oila vakillari, "Ayollar daftari"da turuvchi xotin-qizlar va ayniqsa migratsiyadan qaytgan fuqarolarga e'tibor qaratildi. Tibbiy koʻrik davomida 200 nafar fuqarolar koʻrigi amalga oshirildi.

Xalqaro oila kuni munosabati bilan Sharof Rashidov tumanida keng koʻlamli tantanali tadbir tashkil etildi. Tadbir avvalida tuman hokimi Mahmud Xolbutayev soʻzga chiqib, barchani ushbu ezgu sana bilan samimiy tabrikladi. Tadbir davomida tumandagi namunali va mehr-oqibatli hayot kechirayotgan "Ibratli oila" koʻkrak nishoniga sazovor boʻlgan oilalar koʻkrak nishoni, estalik sovgʻalari va tuman hokimining tashakkurnomalari bilan taqdirlandilar. "Ibratli oila” ko‘krak nishoni — bu O‘zbekistonda namunali, sog‘lom, mehr-oqibatli va jamoatchilik hayotida faol oilalarni rag‘batlantirish maqsadida beriladigan faxriy nishondir. Mazkur nishon Mehr-oqibatli, sadoqatli, o‘zaro hurmat va ahillikda yashaydigan oilalarga, farzandlarini tarbiyalashda namuna bo‘lganlarga, jamiyatda faol, jamoatchilik ishlarida ishtirok etayotgan oilalarga beriladi. Jamiyatda sog‘lom oila muhitini targ‘ib qiladi, ota-ona va farzandlar o‘rtasidagi mas’uliyatni kuchaytiradi, yoshlarga o‘z oilasini barpo qilishda ibrat bo‘ladi.

Tadbirda oila qurish arafasida boʻlgan yoshlar ham e’tibordan chetda qolmadi. "Oila maktabi"ning 72 soatlik oʻquv kursini muvaffaqiyatli yakunlagan yoshlarga sertifikatlar va estalik sovgʻalari topshirildi. Tadbir juda ko`tarinki ruxda kuy-qo`shiq va raqslar bilan davom etdi. Shuningdek, yosh avlod tarbiyasiga katta hissa qoʻshib kelayotgan "Buvijonlar maktabi" faollariga "Nuroniy" jamgʻarmasining tashakkurnomalari va estalik sovgʻalari tantanali tarzda topshirildi.

Bahorning so’nggi may oyida, issiq havoda bolajonlar va barcha tadbir qatnashchilariga bepul muzqaymoqlar taqdim etilgani ham qatnashchilarga hush kayfiyat ulashdi.

Xalqaro oila kuni – bu nafaqat bayram, balki o‘z oilamizga mehr ko‘rsatish, uni asrash, farzandlar tarbiyasiga e’tibor qaratish, jamiyatga foydali avlod voyaga yetkazish haqida o‘ylaydigan muhim kun hamdir.

O'zDJTU talabasi Lola Mamaraimova