Jizzax viloyati Sharof Rashidov tumani hokimligi

Har yili 9-may kuni yurtimizda Xotira va Qadrlash kuni O‘zbekiston xalqining yuragida chuqur iz qoldirgan muhim sana sifatida nishonlanadi. Bu kun – Xotira va Qadrlash kuni, ya’ni o‘z jonini xalq, Vatan, tinchlik yo‘lida fido qilganlar xotirasini hurmat bilan eslash, tirik qolgan qahramonlarga ehtirom ko‘rsatish ,Ikkinchi jahon urushida halok boʻlganlar, gʻalaba yoʻlida jasorat koʻrsatgan insonlarni yodga olish, ularning mardlik va fidoyiligini qadrlash kunidir. 2025-yil 9-may bu ulugʻ sana – Ikkinchi jahon urushidagi gʻalabaning 80 yilligiga toʻgʻri kelmoqda. Shuningdek, bu sana yosh avlodga tarix saboqlarini yetkazish, ularni vatanparvarlik va tinchlikka sadoqat ruhida tarbiyalash uchun ham katta ahamiyatga ega. “Vatan ravnaqi, tinchligi va himoyasi yoʻlidagi qahramonlik unutilmaydi” degan yodda qoluvchi shior bu bayramning mazmun-mohiyatini to‘la ifodalaydi. Bu–tarixiy gʻalabaning teran ma’nosi va saboqlari yana bir bor eslanadigan yil.                                                                               

O‘zbekiston hukumati tomonidan har yili urush va mehnat faxriylari holidan xabar olinadi, ularga hurmat-ehtirom ko‘rsatiladi, moddiy va ma’naviy qo‘llab-quvvatlash tadbirlari amalga oshiriladi. Bu esa xalqimizning o‘z tarixiga, o‘z qahramonlariga bo‘lgan chuqur hurmatining ifodasidir. Sharof Rashidov tumanida ham sana munosabati bilan tantanali tadbir boʻlib oʻtdi. Tadbirda urush faxriylari, hokimlik faollar, davlat tashkilotlarii xodimlari, harbiy xizmatchilar va ta'lim muassasalari vakillari ishtirok etishdi. Tantanada Sharof Rashidov tuman hokimi Mahmud Xolbutayev yig’ilganlarni bayram bilan qutladi. Tadbir davomida "Motamsaro Ona"haykali oldiga gulchambarlar qoʻyildi. Tadbir doirasida tuman rahbariyati va jamoatchilik vakillari Ikkinchi jahon urushi faxriylarining xonadonlariga tashrif buyurib, ularning holidan xabar oldilar. Faxriylar uchun bayram munosabati bilan sovg‘alar topshirildi, ularning sog‘lig‘i, turmush sharoitlari va ehtiyojlari o‘rganildi. Jumladan, Ikkinchi jahon urushi faxriysi  Mashrab ota Sodiqov holidan xabar olindi. Faxriylarimizga  Jizzax viloyat IIB boshlig’i general-mayor G’ayrat Qodirov, Sharof Rashidov tumani hokimi Mahmud Xolbutayev va keng jamoatchilik vakillari tomonidan mamlakatimiz rahbarining tabrigi, pul mukofoti, g’alabaning 80 yilligi yubiley medali, tuman hokimligining qimmatbaho estalik sovg’alari tantanali topshirildi.

Shu bilan birga urush faxriylari hamda Frond xizmatchilari ham e’tibordan chetda qolmadilar. 9-may Xotira va qadrlash kuni munosabati bilan Sharof Rashidov tumani "Qahramon" MFYda istiqomat qiluvchi, urush faxriysi, Frond xizmatchisi Davlatoy Kattabekova va "Yaxtanlik" MFYda istiqomat qiluvchi, Tojibuvi Kazakovalaer holidan xabar olindi. Mazkur tadbirda Tuman hokimi M.Xolbutayev, Nuroniy jamgʻarmasi tuman boʻlimi raisi P.Shukurov, Tuman Mudofaa boʻlimi, Xalq banki tuman BXM masʼullari ishtirok etishdi. Onaxonga samimiy tilaklar bildirilib, "Ikkinchi jahon urushidagi gʻalabaning 80 yilligi" estalik yubiley medali, gullar, pul mukofoti, estalik sovgʻalar tantanali topshirildi.

Urush faxriysi va Frond xizmatchilari holidan xabar olish va bayram bilan qutlash tadbirlari Sharof Rashidov tumani "Xalqobod" MFYda  istiqomat qiluvchi Qarshiboy Islomov va Toshpoʻlat Qarshiboyev xonadonlaridan davom etdi. Mazkur tadbirda Sharof Rashidov tuman prokurori oʻrinbosarlari, Xalqobod MFY faollari, Tuman Mudofaa boʻlimi, Harbiy xizmatchilar, tuman Pensiya jamgʻarmasi, Xalq banki tuman BXM masʼullari ishtirok etishdi. Faxriylarga samimiy tilaklar bildirilib, "Ikkinchi jahon urushidagi gʻalabaning 80 yilligi" estalik yubiley medali, gul dastalar va pul mukofoti, estalik sovgʻalar tantanali topshirildi. Ularning oʻtgan shonli yoʻllari, yurtimiz tinchligi yoʻlidagi xizmatlari ehtirom bilan yodga olindi.

Sana munosabati bilan Sharof Rashidov tumani "Toshkentlik" istiqomat qiluvchi Qurbonoy Zoirova va "Eski Toshkentlik" MFYda yashovchi Oʻgʻiloy Joʻrayeva holidan xabar olinishi ham dillarga xushnudlik baxsh etdi. Jizzax viloyat hokimining maslahatchisi S.Abdullayev, Nuroniy jamgʻarmasi tuman boʻlimi, Tuman Mudofaa boʻlimi, Harbiy xizmatchilar, Xalq banki tuman BXM masʼullari faxriylarga samimiy tilaklar bildirilib, "Ikkinchi jahon urushidagi gʻalabaning 80 yilligi" estalik yubiley medali, gul dastalar va pul mukofoti, estalik sovgʻalar tantanali topshirildi.

Kuyovboshi mahallasida istiqomat qiluvchi, 1928-yilda tug‘ilgan, Ikkinchi jahon urushi qatnashchisi va front xizmatchisi Eshmatov Lapas bobo ham baayram shukuxidan baxramand qilindi. Nuroniylar duoga qoʻl ochib yurtimizga tinchlik, dasturxonlarga qut baraka tilashdi. Bu kabi tadbirlar nafaqat faxriylarga ehtirom, balki yosh avlodga tarixga hurmat, milliy g‘urur va vatanparvarlik tuyg‘ularini singdirish yo‘lida muhim qadamlardan biri bo‘ldi.

Urush yillarida Oʻzbekistondan frontga 1,5 milliondan ortiq yurtdoshimiz safarbar qilingan. Ularning koʻplari halok boʻlgan, koʻplari nogiron boʻlib qaytgan. Ammo ular mardlik, matonat va vatanparvarlik namunasi boʻlib tarix sahifalaridan joy oldilar. Ortda qolganlar ham front uchun tinmay mehnat qilgan: dalada, zavodda, fabrikada – har bir kishi gʻalaba uchun oʻz hissasini qoʻshgan. Bugun biz tinch va osoyishta hayot kechirmoqdamiz. Bu – avvalambor urush yillaridagi qahramonlarimiz fidoyiligi va jasorati samarasidir. Shuning uchun 9-may nafaqat xotira, balki minnatdorchilik kunidir. Yurtimizda urush faxriylariga gʻamxoʻrlik koʻrsatilmoqda, ularning xizmatlari qadrlanmoqda. G‘alabaning 80 yilligi munosabati bilan o‘tkazilgan tadbirlar xalqimizning tarixga, jasoratga va vatanparvarlikka bo‘lgan hurmatini yana bir bor namoyon etdi. Urush faxriylariga ko‘rsatilgan e’tibor, ularning holidan xabar olinishi, yosh avlodga tarixiy saboqlar yetkazilishi – bularning barchasi bu bayramning teran mazmun-mohiyatini ochib beradi. Bugungi tinch hayotimiz zamirida ana shu fidoyi insonlarning jasorati yotadi. Shunday ekan, har birimiz bunday ulug‘ sanalarning qadriga yetib, o‘tgan avlod xotirasini e’zozlashimiz lozim.

O'zDJTU talabasi Lola Mamaraimova