“Korrupsiyasiz hayot — farovon kelajak garovi!” mavzusida seminar-trening o‘tkazildi
2026-07-03 14:05:00 / Yangiliklar
Sharof Rashidov tumani hokimligida “Korrupsiyasiz hayot — farovon kelajak garovi!” mavzusida seminar-trening bo‘lib o‘tdi. Unda tuman hokimi Asilbek Ashurov, “MADAD” nodavlat notijorat tashkiloti vakillari, huquqshunos ekspertlar, davlat va jamoat tashkilotlari rahbarlari, mahalla xodimlari hamda faol fuqarolar ishtirok etdi.
Seminar davomida korrupsiyaga qarshi kurashish, davlat boshqaruvida ochiqlik va shaffoflikni ta’minlash, aholining huquqiy ongi va huquqiy madaniyatini yuksaltirish masalalari muhokama qilindi. Shuningdek, korrupsiyaning oldini olish mexanizmlari, fuqarolarga bepul huquqiy yordam ko‘rsatish tizimi, murojaatlarni ko‘rib chiqish tartibi hamda huquqiy hujjatlarni qonunchilik talablari asosida rasmiylashtirish yuzasidan amaliy tavsiyalar berildi.
Tadbir yakunida ishtirokchilar o‘zlarini qiziqtirgan savollarga mutaxassislardan batafsil javob oldilar. Seminar-treningni muvaffaqiyatli tamomlagan ishtirokchilarga sertifikatlar topshirildi.