Jizzax viloyati Sharof Rashidov tumani hokimligi

Tashrif davomida maskanda ta’lim olayotgan yosh nikohlanuvchilar bilan uchrashuv tashkil etilib, “Oila — jamiyat va davlat himoyasida” mavzusida ma’naviy-ma’rifiy suhbat o‘tkazildi. Suhbat davomida mustahkam oila qurish, oilaviy qadriyatlarni asrash, er-xotin o‘rtasidagi o‘zaro hurmat va mas’uliyat masalalariga alohida e’tibor qaratildi.

Tadbir yakunida 10 nafar yosh nikohlanuvchi juftlikka maxsus sertifikatlar hamda esdalik sifatida o‘quv-uslubiy qo‘llanmalar topshirildi.

Shuningdek, ajrim yoqasiga kelib qolgan 7 ta oila bilan individual suhbatlar o‘tkazildi. Mutaxassislar tomonidan ularning oilaviy muammolari atroflicha o‘rganilib, amaliy tavsiyalar berildi. O‘tkazilgan muloqotlar natijasida 2 ta oila yarashtirilib, oilaviy munosabatlarni tiklashga erishildi. Qolgan 5 ta oilaning muammolarini hal etish bo‘yicha tegishli chora-tadbirlar belgilandi.

Mazkur uchrashuv oilalar mustahkamligini ta’minlash, ajrimlarning oldini olish hamda yoshlarni sog‘lom va barqaror oila qurishga tayyorlash yo‘lidagi muhim tadbirlardan biri bo‘ldi.