Sharof Rashidov tuman hokimligida “Korrupsiyaga qarshi kurash va jamiyatda halollik muhitini shakllantirish” loyihasi doirasida seminar-trening tashkil etildi
2026-06-05 17:00:00 / Yangiliklar
Seminar-trening davomida korrupsiyaga qarshi kurashishning huquqiy asoslari, jamiyatda halollik muhitini qaror toptirish, davlat fuqarolik xizmatchilarining mas’uliyati va majburiyatlari, korrupsion holatlarning oldini olish hamda bu borada amalga oshirilayotgan islohotlarning mazmun-mohiyati yuzasidan ma’ruzalar tinglandi.
Shuningdek, fuqarolarga bepul yuridik yordam ko‘rsatish, ularning huquq va manfaatlarini himoya qilish, sud va boshqa davlat organlariga murojaat qilish uchun zarur bo‘lgan protsessual hujjatlarni tayyorlash tartiblari haqida batafsil tushuntirishlar berildi.
Tadbir yakunida ishtirokchilar tomonidan berilgan savollarga mutaxassislar tomonidan atroflicha javoblar berilib, korrupsiyaga qarshi murosasiz kurashish, ochiqlik va shaffoflik tamoyillarini keng joriy etish masalalari yuzasidan fikr almashildi.
Seminar-trening so‘ngida faol ishtirok etgan tinglovchilarga sertifikatlar topshirildi.