Sharof Rashidov tumani hokimligida Germaniyaning ZAW-Leipzig ijrochi direktori doktor Matias Mayer boshchiligidagi delegatsiya bilan uchrashuv bo‘lib o‘tdi
2026-05-25 16:00:00 / Yangiliklar
Mazkur uchrashuvda Jizzax viloyati hokimi o‘rinbosari Dilmurod Xudayshukurov, Jizzax viloyati Kasbiy ta’lim boshqarmasi boshlig‘i Sarvar Nazarqosimov hamda Sharof Rashidov tumani hokimi Asilbek Ashurov ishtirok etdi.
Muloqot davomida viloyatda kasbiy ta’lim tizimini yanada takomillashtirish, xalqaro tajribalarni amaliyotga joriy etish, yoshlarni zamonaviy va talab yuqori bo‘lgan kasblarga yo‘naltirish hamda malakali mutaxassislar tayyorlash masalalari muhokama qilindi.
Shuningdek, tomonlar Germaniya tajribasi asosida dual ta’lim tizimini rivojlantirish, kasb-hunar ta’limi muassasalari bilan hamkorlik aloqalarini kengaytirish, o‘quvchilar uchun amaliy ko‘nikmalarni oshirishga qaratilgan loyihalarni amalga oshirish yuzasidan fikr almashdilar.
Uchrashuv yakunida o‘zaro manfaatli hamkorlikni mustahkamlash va kelgusida qo‘shma loyihalarni amalga oshirish bo‘yicha kelishuvlarga erishildi.