Jizzax viloyati Sharof Rashidov tumani hokimligi

Mazkur hujjatga muvofiq, mahalliy mahsulotlar ishlab chiqarilishini kengaytirish, sanoat tarmoqlari va aholi ehtiyojlari uchun zarur mahsulotlarni o‘zlashtirish, ishlab chiqarish hajmlarini oshirishda zamonaviy bozor mexanizmlarini keng joriy etish ustuvor vazifalar etib belgilandi. Shu bilan birga, mahalliy tadbirkorlik sub’yektlari va yirik sanoat korxonalari o‘rtasida o‘zaro hamkorlikni kuchaytirish, sanoat kooperatsiyasini tizimli ravishda rivojlantirish hamda davlat xaridlarida mahalliy mahsulotlar ulushini ko‘paytirish va ularni rag‘batlantirish choralari nazarda tutilgan.

Farmon asosida Sanoat kooperatsiyasi va davlat xaridlari agentligining tashkil etilishi ushbu yo‘nalishda yagona va samarali boshqaruv tizimini yo‘lga qo‘yishga xizmat qiladi.

Shu munosabat bilan Sharof Rashidov tumani hokimligida mazkur agentlikning hududiy bo‘limi rahbari Sarvar Abdullayev hamda tegishli mutasaddilar ishtirokida tuman tadbirkorlari bilan ochiq muloqot shaklida yig‘ilish o‘tkazildi. Unda yangi tizimning asosiy maqsad va vazifalari, amalga oshirilayotgan islohotlarning mazmun-mohiyati hamda tadbirkorlar uchun yaratilayotgan imkoniyatlar batafsil tushuntirildi.

Yig‘ilish davomida mahalliy ishlab chiqaruvchilarni qo‘llab-quvvatlash, ularni davlat xaridlariga keng jalb etish, yangi ish o‘rinlari yaratish, mahsulotlar raqobatbardoshligini oshirish va hudud iqtisodiy salohiyatini mustahkamlashga qaratilgan ustuvor vazifalar belgilab olindi.

Ta’kidlanganidek, mahalliy mahsulotlar ishlab chiqarishni kengaytirish, sanoat tarmoqlari va aholi ehtiyojlari uchun zarur mahsulotlarni o‘zlashtirish hamda ishlab chiqarish hajmlarini oshirishda bozor mexanizmlarini keng joriy etish, tadbirkorlik sub’yektlari va yirik korxonalar o‘rtasida sanoat kooperatsiyasini izchil kengaytirish, davlat xaridlarida mahalliy mahsulotlar ulushini oshirish va ularni qo‘llab-quvvatlash mexanizmlarini takomillashtirish bugungi kunning dolzarb vazifalaridan biri hisoblanadi.