Sharof Rashidov tumani hududida olib borilayotgan bahorgi ekin ekish ishlarini o‘rganish maqsadida viloyat hokimi o‘rinbosari Zafar Azimov tomonidan joylarda o‘rganish ishlari amalga oshirildi
2026-04-14 17:05:00 / Yangiliklar
Tashrif davomida tuman hokimligi mas’ullari hamrohligida Sug‘diyona, Kuyovboshi, Yangidiyor, Qulpisar hamda Samarqand quduq mahallalarida bo‘lib, aholi tomorqalari va ijara yerlarida bahorgi ekinlarni ekish, agrotexnik tadbirlarning o‘z vaqtida va sifatli bajarilishi holati atroflicha ko‘zdan kechirildi.
Shuningdek, hududlarning ijtimoiy-iqtisodiy ahvoli o‘rganilib, mavjud imkoniyatlardan samarali foydalanish, aholi bandligini ta’minlash hamda daromadlarini oshirishga qaratilgan aniq vazifalar belgilab berildi.
O‘rganish jarayonida aniqlangan kamchiliklar yuzasidan mas’ullarga zarur topshiriq va ko‘rsatmalar berilib, ekin ekish ishlarini tizimli tashkil etish, yer maydonlaridan unumli foydalanish hamda bahorgi mavsumni samarali o‘tkazish yuzasidan qat’iy vazifalar yuklatildi.