Sharof Rashidov tumani Eski Toshkentlik MFYda istiqomat qiluvchi faxriy onaxon — Jo‘rayeva Ug‘iloy onaning 104 yoshga to‘lishi munosabati bilan samimiy muborakbod etildi
2026-04-10 16:00:00 / Yangiliklar
Ushbu qutlug‘ sana munosabati bilan mahalla faollari, nuroniylar hamda keng jamoatchilik vakillari onaxon holidan xabar olib, unga ezgu tilaklar, mehr-oqibat va hurmat-ehtiromlarini izhor etdilar.
Jo‘rayeva Ug‘iloy ona asrga teng umr yo‘lini bosib o‘tib, hayotning turli sinovlarini mardonavor yengib kelgan, bugungi yosh avlod uchun ibrat maktabi bo‘lib xizmat qilmoqda. Uning sabr-toqati, donishmandligi va hayotiy tajribasi mahalla ahli uchun katta boylik sanaladi.
Bugun ham onaxon duolar qilib, farzandlar va nabiralar davrasida baxtiyor umr kechirmoqda. Bunday ulug‘ insonlarning borligi yurtimizning barakasi va fayzi hisoblanadi.
Ug‘iloy onaga mustahkam sog‘lik, uzoq umr, xotirjam va fayzli kunlar tilaymiz!