Muddatli harbiy xizmatni o‘tab qaytgan yoshlar bilan uchrashuv bo‘lib o‘tdi
2026-04-02 10:00:00 / Yangiliklar
Sharof Rashidov tumani hokimi Asilbek Ashurov tomonidan muddatli harbiy xizmatni sharaf bilan o‘tab, o‘z xonadonlariga qaytgan yoshlar bilan samimiy uchrashuv tashkil etildi.
Uchrashuv davomida yoshlarning kelgusidagi maqsadlari, rejalari va qiziqishlari atroflicha muhokama qilinib, ularni doimiy ish bilan ta’minlash, kasb-hunar o‘rganishga yo‘naltirish hamda tadbirkorlik faoliyatini boshlashlari uchun zarur sharoitlar yaratish masalalari ko‘rib chiqildi. Har bir yoshning salohiyatidan kelib chiqib, amaliy chora-tadbirlar belgilab olindi.
Shuningdek, yoshlarni har tomonlama qo‘llab-quvvatlash, ularning jamiyatdagi faolligini oshirish, tashabbuslarini rag‘batlantirish hamda o‘z o‘rnini topishlariga ko‘maklashish masalalariga alohida e’tibor qaratildi.
Tadbir yakunida yoshlarning istiqbolli rejalarini ro‘yobga chiqarish yuzasidan mas’ul tashkilotlarga tegishli vazifalar yuklatildi.