Xalq deputatlari Sharof Rashidov tuman Kengashining yigirma birinchi sessiyasi bo‘lib o‘tdi
2026-03-27 16:00:00 / Yangiliklar
Sessiyada quyidagi masalalar muhokama qilindi:
• O‘zbekiston Respublikasi Prezidentining 2026-yil 5-fevraldagi PQ-48-son qarori ijrosini ta’minlash va ko‘p kvartirali uylarni boshqarish tizimini yanada takomillashtirish;
• “Ochiq budjet” axborot portali orqali g‘olib loyihalarni moliyalashtirish;
• 2026-yil vegetatsiya davrida sug‘orish ishlari uchun suv limitini tasdiqlash;
• Ijtimoiy himoyaga muhtoj oilalar xonadonlarini ta’mirlash orqali energiya samaradorligini oshirish loyihalarini moliyalashtirish;
• Prezidentning PQ-468-son qarori ijrosi doirasida tumanda amalga oshirilgan ishlar;
• Obodonlashtirish boshqarmasi tasarrufidagi ichki yo‘llarni saqlash va joriy ta’mirlash bo‘yicha 2026-yilga mo‘ljallangan manzilli ro‘yxatni tasdiqlash;
• Tumandagi “Madaniyat” mahalla fuqarolar yig‘inida 120 o‘rinli davlat maktabgacha ta’lim tashkilotini tashkil etish;
• Mahalliy budjetdan mablag‘lar ajratish masalalari.
Sessiya yakunida barcha masalalar bo‘yicha tegishli qarorlar qabul qilindi va ularning ijrosini ta’minlash uchun mas’ullarga aniq vazifalar belgilandi.
Sessiya tuman Kengashining YouTube’dagi rasmiy sahifasida jonli efirda uzatildi.