Ayollar salomatligi – e’tibor markazida
2026-02-20 16:00:00 / Yangiliklar
Jizzax viloyati Sog‘liqni saqlash boshqarmasi hamda Sharof Rashidov tuman tibbiyot birlashmasi tomonidan “Ayollar orasida onkologik kasalliklarni nazorat qilish tizimini takomillashtirish chora-tadbirlari to‘g‘risida”gi PQ–402-son qaror ijrosini ta’minlash maqsadida Jizzax viloyati prokuraturasi tashabbusi bilan 2026-yil 19-fevral kuni KTМPda navbatdagi tadbir tashkil etildi.
Ko‘krak bezi saratonini erta aniqlash maqsadida 2026-yilga mo‘ljallangan tarmoq reja asosida 45–65 yoshli 133 nafar ayol reja asosida skrining — mammografiya tekshiruvidan o‘tkazildi.
Tadbir davomida ayollar o‘rtasida ko‘krak bezi kasalliklarining oldini olish hamda erta tashxis qo‘yishning ahamiyati yuzasidan tibbiyot xodimlari va mahalla ayollari ishtirokida tushuntirish ishlari olib borildi.
Shuningdek, ishtirokchilarga profilaktika bo‘yicha buklet va eslatmalar tarqatildi.