Samad Xasanov o‘quvchilarni yangi o‘quv yili bilan tabrikladi
2025-09-02 08:00:00 / Rahbariyatning bayonotlari va nutqlari
Assalomu alaykum, qadrli yurtdoshlar!
Yurtimiz kelajagi bo‘lgan yoshlar!
Hurmatli ustoz va muallimlar!
Siz, aziz pedagoglarni, xalqimizning bugungi ulug‘ bayram “Bilimlar kuni” bilan chin qalbimdan tabriklab, barchangizga o‘zimning yuksak hurmatim, ezgu tilaklarimni izhor etishdan baxtiyorman.
Qutlug‘ va unutilmas ayyom – mamlakatimiz Mustaqilligining 34 yilligi bilan barchangizni chin qalbimdan samimiy muborakbod etaman.
Ushbu shodiyonalar “VATAN UCHUN, MILLAT UCHUN, XALQ UCHUN ! ” degan shior ostida nishonlanmoqda.
Albatta, bu shiorni tanlanishi zamirida ham chuqur hikmat bor. Yangi hayotga, Yangi O‘zbekistonga ezgu fikr, ezgu orzu umidlar bilan qadam tashlaymiz. Bu ezgu orzularning ro‘yobga chiqishi yoshlarimizning ta’lim-tarbiyasi bilan shug‘ullanayotgan sizu bizga bog‘liq ekanligini yaxshi anglaymiz. Hikmatlarda bitilganidek, “Eng katta boylik – bu aql-zakovat va ilm, eng katta meros – bu yaxshi tarbiya, eng katta qashshoqlik – bu bilimsizlikdir!” Shu sababli hammamiz uchun zamonaviy bilimlarni o‘zlashtirish, chinakam ma’rifat va yuksak madaniyat egasi bo‘lish uzluksiz hayotiy ehtiyojga aylanishi kerak.
Mamnuniyat bilan aytishim mumkinki, tumanda davlat tasarrufida bo‘lgan 86 ta umumta’lim maktablari, 1 ta Prezident agentligi tasarrufidagi ixtisoslashgan maktab, 1 ta Barkamol avlod markazi va 285 ta davlat, xususiy hamda oilaviy maktabgacha ta’lim tashkilotlari faoliyat olib bormoqda.
Jumladan tumandagi 27-umumiy o‘rta ta’lim maktabida 1131 nafar o‘quvchi tahsil oladi va ularning 46 nafari 11-sinfni bitirib oliy ta’lim muassasalariga xujjat topshirishdi. Ulardan 16 nafari ya’ni, 35 foizi Davlat oliy ta’lim muassasalariga o‘qishga qabul qilindilar. Xususiy va nodavlat oliy ta’lim muasassalariga 7 nafari ya’ni 16 foizi o‘qishga qabul qilindi va bu maktab bitiruvchilarga nisbatan 51 foiz natija bilan ko‘rsatkich berdi.
Qolgan 23 nafar o‘quvchilardan 10 nafari repititorlik kurslariga qatnayapti, 13 nafari oilaviy tadbirkorlik bilan shug‘ullanmoqdalar.
Ushbu maktab bitiruvchisi Usmonova Go‘zaloy Sherzod qizi eng yuqori 189 ball bilan imtiyozli ravishda O‘zbekiston Milliy Universiteti, filologiya fakultetiga davlat granti asosida o‘qishga, qabul qilindi.
27-maktabda chet tili sifatida 2 ta xorijiy til щitilib kelinmoqda. Ushbu yutuqlar zamirida barcha pedagog xodimlarning mehnati yotibdi.
Yana bir bor hammalaringizni yangi o‘quv yili bilan muborakbod etaman. Yurtimizning tinchligi, xalqimizning farovonligi bardavom bo‘lishini Yaratgandan so‘rab qolamiz.