Toshkent shahar Sergeli tumani hokimligi

Ma'lumki, davlatimiz rahbari tomonidan sizlarning faoliyatingizni tubdan rivojlantirishga qaratilgan islohotlar, yangidan yangi shart-sharoitlar yaratilmoqda. Yurtimiz kelajagi yuksalishida, xalqimizning farovonligi va ravnaqida sizning hissangiz beqiyosdir! 20-avgust mamlakatimizda “Tadbirkorlar kuni” munosabati bilan tumanimizning barcha tadbirkorlarini samimiy muborakbod etaman! Kelgusida tadbirkorlik faoliyatingizda sizlarni yanada qo‘llab-quvvatlash, keng imkoniyatlar, hammaga teng bo‘lgan biznes muhiti va zarur infratuzilma yaratish bo‘yicha boshlagan islohotlar qat’iy davom ettirilishi, davlat korxonalarini transformatsiya qilish va xususiylashtirish jarayonlarini tezlashtirish iqtisodiyotni isloh etishning ustuvor vazifalaridan biri bo‘lib qolishi shubxasiz. Kuni kecha Davlatimiz rahbari tomonidan tadbikorlar bilan ochiq muloqotda  “Biz 40 millionli xalqmiz “Odamlarimiz hayotini yanada yaxshilash uchun yuqori iqtisodiy o‘sishni saqlab qolishimiz zarur” deya ta’kidlangan ibora bejizga emas. Siz tadbirkorlarning mamlakatimiz taraqqiyotiga qo‘shayotgan hissangizga e’tiborni qaratish, katta yutuqlarga erishgan, jamiyatning ijtimoiy muammolarini hal etishda faol ishtirok etayotgan ishbilarmonlarni aniqlash, ularni taqdirlash, aholini, ayniqsa, yoshlarni biznesga keng jalb qilishga xizmat qiladi. Zero, yurtimizda tadbirkor ko‘paysa xalq ham, davlat ham boy bo‘ladi, yangi-yangi ish o‘rinlari yaratiladi, jamiyat rivojlanadi, yurt taraqqiy etadi!