Xorijiy investitsiyalar: yangi zavod, burğilaş texnologiyalari va innovatsion qöziqorin yetiştiriş yölga qöyiladi
2026-11-17 22:40:00 / Yangiliklar

Viloyat hokimi Adiz Boboyev Xitoyning global texnologik innovatsiyalarni qöllab-quvvatlaşga ixtisoslaşgan "Çunfengli Capital" investitsiya tuzilmasi direktorlar kengaşi raisi Şi Kesinom bilan uçraşuv ötkazdi.
Unda fond tomonidan viloyatda amalga oşirişi rejalaştirilayotgan yirik investitsiya loyihalari taqdim etildi.
Birinçi loyiha maşinasozlik sohasida Xitoyning ilğor texnologiyalarini mahalliylaştirişga qaratilgan. Xususan, «Binzhou Binzuan Maçinery» Samarqandda işlab çiqariş zavodini taşkil etiş, şuningdek, suv quduqlarini burğilaş va geologik qidiruv işlariga möljallangan 20 dan ortiq turdagi burğilaş uskunalarini yetkazib beriş, ijaraga beriş hamda ularga texnik xizmat körsatiş tizimini yölga qöyişni rejalaştirmoqda.
Ikkinçi loyiha qişloq xöjaligi va ijtimoiy yönalişni qamrab oladi. Unga köra, viloyatda Xitoyning «Uç birlik» aqlli qöziqorin yetiştiriş modeli joriy etiladi. Mazkur model yil davomida uzluksiz qöziqorin yetiştiriş imkonini beradi. Loyiha qişloq aholisi daromad manbalarini diversifikatsiya qiliş, yangi bandlik imkoniyatlarini yaratiş hamda sanoat usullari orqali kambağallikni qisqartirişga xizmat qilişi közda tutilgan.
Viloyat rahbari Adiz Boboyev mazkur taşabbuslarni töliq qöllab-quvvatlab, ular yangi iş örinlarini yaratiş, hudud iqtisodiyotini mustahkamlaş va aholi farovonligini oşirişda muhim ahamiyat kasb etişini ta’kidladi.
Viloyat hokimi loyihalarni amalga oşiriş bilan boğliq tayyorgarlik işlarini taşkil etiş va zarur çoralarni köriş yuzasidan mas’ullarga tegişli topşiriqlar berdi.
