Samarqand viloyati hokimligi, Raqamli texnologiyalar vazirligining Samarqand viloyati hududiy shu’basi xodimlari "Oslo Innovation Week" doirasida "Oslo Sayens Park" rahbariyati hamda ma’lumotlar tahlili va Big Data sohasida 20 yillik xalqaro tajribaga ega ekspert Anna Lund bilan uchrashuv o‘tkazdi.

Muloqot davomida Samarqand viloyatida IT sohasi va startaplar ekotizimini rivojlantirish, innovasion loyihalarni qo‘llab-quvvatlash, shuningdek, O‘zbekiston va Norvegiya texnologik kompaniyalari o‘rtasida hamkorlikni kengaytirish masalalari muhokama qilindi.

Uchrashuv xalqaro tajriba almashish, yangi texnologik tashabbuslarni ilgari surish hamda Samarqand viloyatidagi IT kompaniyalar va yosh startaplar uchun yangi imkoniyatlar yaratishda muhim ahamiyatga ega.