O‘zbekiston Respublikasi Prezidentining Samarqand viloyatidagi Xalq qabulxonasida Samarqand viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Navro‘z Rahmonov tomonidan navbatdagi fuqarolar qabuli o‘tkazildi.

Qabul jarayonida hududlardan tashrif buyurgan fuqarolar tomonidan o‘zlari istiqomat qiluvchi mahallalarda amalga oshirilayotgan dasturiy tadbirlar, obodonlashtirish ishlari, gaz ta’minoti sohasidagi muammolar hamda boshqa tegishli masalalar bo‘yicha o‘z fikr-mulohaza va takliflari bildirildi.

Kelib tushgan har bir murojaat sinchkovlik bilan o‘rganildi. Murojaatlarning mazmun-mohiyati inobatga olingan holda, ularni qonunchilik talablariga muvofiq va adolat tamoyiliga asoslangan holda hal etish maqsadida mas’ul tashkilot rahbarlari va mutasaddi mansabdor shaxslarga tegishli aniq topshiriqlar berildi.