Bayram tadbirlari “Konstitutsiya ko‘chasi”dan boshlandi
2025-12-06 13:45:00 / Yangiliklar
O‘zbekiston Respublikasi Konstitutsiyasi qabul qilinganligining 33 yilligi munosabati bilan viloyatimizda turli tadbirlar o‘tkazilmoqda.
Bosh qomusimizning tarixi, mohiyatini keng targ‘ib etishga qaratilgan uchrashuv va muloqotlar, ko‘rgazmalar tashkil etilmoqda.
Xususan, Samarqand shahridagi Alisher Navoiy ko‘chasi bugun “Konstitutsiya ko‘chasi” sifatida namoyon bo‘ldi.
Viloyat hokimi Adiz Boboyev boshchiligidagi viloyat rahbarlari, deputatlar, faollar va jamoatchilik vakillari ko‘chada joylashtirilgan ko‘rgazmalar bilan tanishdilar. Tadbir davomida Konstitutsiyaning ahamiyati, undagi inson huquqlari va erkinliklarini ta’minlashga qaratilgan normalar haqida ma’lumotlar berildi.
Tadbir davomida ilk bor pasport olayotgan yoshlarga fuqarolik pasportlari topshirildi.