🟢Umedjon Barnoyev romitanlik tadbirkorlarning murojaatlarini tingladi
2026-09-15 13:05:00 / Yangiliklar
Bugungi kunda shahar va tumanlarda ishbilarmonlik muhitini yaxshilash, tadbirkorlarni har tomonlama qo‘llab-quvvatlash ustuvor vazifa sifatida belgilangan. Tadbirkorlar islohotchi bo‘lib, hududning ijtimoiy-iqtisodiy rivojlanishida muhim kuch ekanligini barcha yaxshi tushunib yetmoqda.
Zero, tadbirkorlarning yurt farovonligini ta’minlashdagi hissasi beqiyos. Tadbirkorlar safini yanada kengaytirish, ularni qiynayotgan muammolarni o‘z vaqtida bartaraf etish bugungi kunda tuman hokimligining doimiy nazoratiga olingan.
Bugun, 15-sentyabr kuni Romitan tumani hokimi Umedjon Barnoyev boshchiligida tumandani 2-son texnikumining faollar zalida tadbirkorlikni yanada rivojlantirish, investitsiyalarni keng jalb qilish, biznesni yuritish uchun qulay imkoniyatlar yaratish, soha kishilarining qonuniy manfaatlarini himoyalash va huquqiy kafolatlarini mustahkamlash, ularni qiynayotgan muammolarni bartaraf etish maqsadida romitanlik tadbirkorlar bilan navbatdagi uchrashuv bo‘lib o‘tdi.
Unda tuman hokimi o‘rinbosarlari, tijorat banklarining tuman filiallari, mutasaddi tashkilot, korxonalarning rahbarlari, hokim yordamchilari, tadbirkorlar hamda tadbirkorlik faoliyati bilan shug‘ullanish istagida bo‘lgan tadbirkorlar ishtirok etdi.
Bugungi uchrashuvda tadbirkor va ishbilarmonlar yangi ishlab chiqarish loyihalari, istiqbolli investitsion dasturlari, banklar tomonidan imtiyozli kredit, bino-inshootlarning kadastr hujjatlarini rasmiylashtirish, faoliyatini kengaytirish uchun qo‘shimcha yer maydoni ajratish kabi qator masalalar yuzasidan murojaatlar kelib tushdi.
Tadbirkorlarning turli masalalardagi taklif va tashabbuslari, murojaatlari tinglanib, ayrim muammolar joyida bartaraf etildi. Ba’zi murojaatlarni hal qilish bo‘yicha qisqa muddatlar belgilanib, tegishli tashkilotlarga ko‘rsatma va topshiriqlar berildi.
Shuningdek, qabul jarayonida bir qator yangi loyihalar ham muhokama etildi. Tuman hokimi bildirilgan taklif va tashabbuslarini qo‘llab-quvvatladi.
Muloqotda boshqa mazmundagi murojaatlar ham tinglanib, hal etish choralari ko‘rildi. Tuman rahbari ular yuzasidan tegishligi bo‘yicha mas’ul tashkilot rahbarlariga ko‘rsatma va topshiriqlar berdi.