Respondentlar OneID tizimida roʻyxatdan oʻtish uchun oʻzlari uchun qulay boʻlgan roʻyxatdan oʻtish turini tanlash imkoniyatiga egalar. Quyida roʻyxatdan oʻtish turlari va ularning qisqacha tavsifi bilan tanishish mumkin:

- Login va paroldan foydalangan holda roʻyxatdan oʻtish. Ushbu holatda Respondentlar OneID tizimida oʻzlarining shaxsiy maʼlumotlaridan foydalangan holda, oʻzlari istagan login va parolni roʻyxatdan oʻtkazishlari mumkin.

- Mobile-ID danfoydalanganholdaroʻyxatdanoʻtish. Ushbu holatda Respondentlarning shaxsiy telefon raqamlarida Mobile-ID xizmati ulangan boʻlib, ular telefon raqamlarini kiritishlari va ushbu raqamga kelgan maxsus kodni kiritishlari talab etiladi.

- ERI kalitidanfoydalanganholdaroʻyxatdanoʻtish. Ushbu holatda Respondentlar jismoniy shaxslar uchun taqdim etiladigan ERI kalitlari orqali roʻyxatdan oʻtishlari mumkin.

- ID-kartadan foydalanganholdaroʻyxatdanoʻtish. Ushbu holatda Respondentlar oʻzlarining JSHSHIR raqamlari va parolni kiritishlari talab etiladi. Parol sifatida ERI kalitining tasdiqlash uchun taqdim etilgan paroldan foydalanish talab etiladi. Agarda Respondentda bunday imkoniyat mavjud boʻlmasa, ular OneID tizimidan qaytadan roʻyxatdan oʻtishlari talab etiladi.

Yuqorida keltirib oʻtilgan roʻyxatdan oʻtish turlaridan foydalanib roʻyxatdan oʻtish jarayoni muvaffaqiyatli amalga oshirilgan boʻlsa, OneID tizimi ularni qayta Aholini roʻyxatga olishning birlamchi maʼlumotlarni kiritish va qayta ishlash axborot tizimining Respondentlar shaxsiy kabinetining asosiy sahifasiga yoʻnaltiriladilar.

Bundan tashqari, ushbu jarayonda OneID tizimi ushbu Respondentga tegishli boʻlgan baʼzi shaxsiy maʼlumotlarni Aholini roʻyxatga olishning birlamchi maʼlumotlarini kiritish va qayta ishlash axborot tizimiga taqdim etadi. Ushbu maʼlumotlar asosida axborot tizimi shaxslarni identifikatsiyalash jarayonidan oʻtkazadi. Identifikatsiyalash jarayoni axborot tizimiga boʻladigan tashqi hujumlar ehtimolini kamaytirib, yolgʻon va tasdiqlanmagan maʼlumotlar kiritilishini oldini oladi. 

Qo‘shko‘pir tumani statistika bo‘limi