Qo‘shko‘pir tumanida obodonlashtirish sohasi xodimlari uchun bayramona tadbir tashkil etildi
2025-12-21 15:00:00 / Yangiliklar
Bugun Qo‘shko‘pir tuman hokimligi tomonidan obodonlashtirish sohasida fidokorona mehnat qilib kelayotgan xodimlar uchun Yangi yil bayrami arafasida bayramona tadbir tashkil etildi.
Tadbirda Qo‘shko‘pir tuman hokimi Shuxrat Axmedov so‘zga chiqib, yig‘ilganlarni kirib kelayotgan Yangi yil bayrami bilan samimiy muborakbod etdi. O‘z nutqida u obodonlashtirish sohasi xodimlarining tuman taraqqiyoti va aholi farovonligini ta’minlashdagi muhim o‘rnini alohida ta’kidladi.
Shuningdek, hokim har qanday ob-havo sharoitida ham mas’uliyat va fidoyilik bilan mehnat qilib kelayotgan jamoaga chuqur minnatdorlik bildirib, ularning mashaqqatli mehnati doimo e’tibor va e’tirofga loyiq ekanini qayd etdi.
Tadbir yakunida mehnatkashlarga bo‘lgan e’tibor va rag‘bat ramzi sifatida bayramona sovg‘alar topshirildi. Bayramona ruhda o‘tgan tadbir ishtirokchilarga ko‘tarinki kayfiyat va Yangi yil arafasida yanada katta ishtiyoq bag‘ishladi.
Qo‘shko‘pir tumani hokimligi axborot xizmati