“Yangi O‘zbekiston qiyofasi” kasb etayotgan "Yangiyer" mahallasida aholi uchun qulaylik yaratish ishlari olib borilmoqda
2026-05-12 10:00:00 / Yangiliklar
O‘zbekiston Respublikasi Prezidentining 2025-yil 10-sentabrdagi PQ-298-son qaroriga asosan Qumqo‘rg‘on tumanining “Yangiyer” mahallasi “Yangi O‘zbekiston qiyofasidagi" mahallalar ro‘yxatiga kiritilgan bo‘lib, hudud infratuzilmasini yaxshilash hamda aholi uchun munosib turmush sharoitlarini yaratishga qaratilgan keng ko‘lamli qurilish va obodonlashtirish ishlari amalga oshirilmoqda.
Mazkur loyiha doirasida mahallada jami 5,5 km ichki yo‘llarni asfaltlash, 0.7 km piyodalar yo‘lakchasi qurish, elektr tarmoqlarini yaxshilash maqsadida 0.3 km yangi tarmoq tortish, 60 dona beton ustunlar va 2 dona yangi transformator o‘rnatish, 160 dona tungi yoritish chiroqlari o‘rnatish hamda 0.7 km ariqlarni betonlash rejalashtirilgan
Ayni paytda tasdiqlangan reja asosida amaliy ishlar izchil davom ettirilmoqda. Xususan, hozirda mahalla ichki ko‘chalarini asfaltlash ishlari olib borilmoqda. Shu bilan birga, kommunikatsiya tarmoqlarini tartibga keltirish va hududni obodonlashtirish ishlari ham bosqichma-bosqich amalga oshirilmoqda.
Hududda olib borilayotgan bunyodkorlik ishlari mahalla infratuzilmasini zamonaviy talablar asosida rivojlantirish, aholining kundalik turmushiga qulaylik yaratish hamda mahalla qiyofasini yanada obod va ko‘rkam etishga xizmat qiladi.