Tuman hokimligida belgilab berilgan topshiriqlar ijrosi va kelgusidagi vazifalar muhokama qilindi
2025-12-17 09:25:00 / Yangiliklar
Qumqo‘rg‘on tumani hokimi Anvar Normamatov rahbarligida topshiriq va murojaatlar ijrosi, ijro intizomi, kuz-qish mavsumiga tayyorgarlik, Yangi yil bayramini ko‘tarinki kayfiyatda o‘tkazish bo‘yicha olib borilayotgan ishlar, kunlik ko‘rsatkichlar tahlili hamda boshqa masalalar ko‘rib chiqildi.
Yig‘ilishda, topshiriqlar ijrosi yuzasidan tuman hokimining sohalar bo‘yicha o‘rinbosarlari, aloqador tashkilot va korxonalar rahbarlari hamda mas’ullarning axborot va hisobotlari eshitildi.
Xususan, viloyat hokimining Qumqo‘rg‘on tumaniga tashrifi davomida berilgan topshiriqlari ijrosi, “Kambag‘allikdan farovonlik sari” dasturi ijrosi, soliq tushumlari, muammoli kreditlar bilan ishlash, kommunal soha hamda obodonlashtirish ishlari birma-bir tahlil qilindi.
Yig‘ilish so‘ngida tuman hokimi tomonidan mas’ullarga berilgan topshiriqlar ijrosi yuzasidan bajarilishi lozim bo‘lgan aniq vazifalar belgilab berildi.