Tumanda ommaviy sportni rivojlantirish bo‘yicha yig‘ilish bo‘lib o‘tdi
2025-12-05 15:00:00 / Yangiliklar
Sport va jismoniy tarbiya bo‘yicha yaratilayotgan infrastruktura va imkoniyatlar — bu yoshlarni har tomonlama rivojlantirish, ularni salbiy ta’sirlardan himoyalash, sog‘lom turmush tarziga undash demakdir.
Qumqo‘rg‘on tumanida ommaviy sportni yanada rivojlantirish, aholining barcha qatlamlari o‘rtasida sog‘lom turmush tarzini keng targ‘ib qilishga qaratilgan muhim yig‘ilish o‘tkazildi.
Xususan, tuman hokimi Anvar Normamatov rahbarligida tegishli mas'ullar va ta’lim muassasalaridagi sport sohasidagi murabbiylar ishtirok etishdi.
Yig‘ilish davomida tumanda jismoniy tarbiya va sport infratuzilmasini yaxshilash, sport maydonchalarini ko‘paytirish, yoshlar o‘rtasida turli sport musobaqalarini tashkil etish bo‘yicha amalga oshirilayotgan ishlar bo‘yicha muhokama qilindi. Shuningdek, mavjud kamchiliklar tahlil qilinib, kelgusi reja va vazifalar belgilab olindi.
Yig‘ilish so‘ngida tuman hokimi tomonidan aholi, ayniqsa yoshlar o‘rtasida sog‘lom turmush tarzini targ‘ib qilish, sport to‘garaklari faoliyatini kengaytirish hamda ommaviy musobaqalarni muntazam o‘tkazib borish yuzasidan tegishli topshiriqlar berildi.