Qoraqalpog‘iston Respublikasi sanitariya-epidemiologik osoyishtalik va jamoat salomatligi boshqarmasi Qo‘ng‘irot tumani bo‘limiga Birlashgan Millatlar Tashkiloti Bolalar fondi (UNICEF) ning O‘zbekistondagi vakili Rexina Mariya Kastijion tashrif buyurdi.
2025-08-29 16:00:00 / Yangiliklar
Qoraqalpog‘iston Respublikasi sanitariya-epidemiologik osoyishtalik va jamoat salomatligi boshqarmasi Qo‘ng‘irot tumani bo‘limiga Birlashgan Millatlar Tashkiloti Bolalar fondi (UNICEF) ning O‘zbekistondagi vakili Rexina Mariya Kastijion tashrif buyurdi.
Tashrifning asosiy maqsadi — UNICEF ko‘magida bo‘limga topshirilgan va foydalanishga kiritilgan zamonaviy laboratoriya hamda tibbiy asbob-uskunalar holati bilan tanishishdan iborat bo‘ldi.
Laboratoriyada o‘rnatilgan maxsus shkaf, konduktometr, elektron tarozi, pH-metr ionomer, konsentratometr, magnitli aralashtirgich va chayqatgich apparatlar to‘liq namoyish etildi. Shuningdek, UNICEF tomonidan ajratilgan, maxsus saqlash talablariga mos tarzda jihozlangan vaksinalar saqlanadigan muzlatkichlarning ish faoliyati bilan tanishdi.
Mazkur asbob-uskunalar sanitariya-epidemiologik tekshiruvlar sifatini oshirish hamda vaksinalarni xavfsiz saqlash jarayonini zamon talablari darajasida tashkil etishga imkon yaratmoqda.
Tashrif davomida muassasa faoliyati, amalga oshirilayotgan reja va istiqbolli yo‘nalishlar yuzasidan ham fikr almashildi. UNICEF tomonidan ko‘rsatilayotgan qo‘llab-quvvatlash natijasida bo‘limning moddiy-texnik bazasi mustahkamlanib, aholi salomatligini muhofaza qilish yo‘lidagi ishlarni yangi bosqichga ko‘tarmoqda.