Qoraqalpog`iston Rеspublikаsi Qo'ng'irot tumani hokimligi

Ishsiz xotin-qizlarni hunarmandchilikka jalb qilish va hunarmandchilik bilan shug‘ullanuvchi xotin-qizlar safini ko‘paytirish maqsadida Qo‘ng‘irot tumanida seminar-trening tashkil etildi.

Tadbirda Qo‘ng‘irot tumani hokimining o‘rinbosari, tuman oila va xotin-qizlar bo‘limi boshlig‘i J.Ametova, shuningdek, "Hunarmand birlashmasi" tuman bo‘limi boshlig‘i E.Ilyasova ishtirok etdi.

Ular tomonidan ishtirokchilarga hunarmandlarga yaratilayotgan imtiyozlar, moliyaviy ko‘mak va boshqa amaliy imkoniyatlar haqida batafsil ma’lumot berildi. Mahallalardagi xotin-qizlar faollariga esa hunarmandchilik faoliyatini yo‘lga qo‘yish, u bilan shug‘ullanish mumkin bo‘lgan yo‘nalishlar bo‘yicha tavsiya va ko‘rsatmalar berildi.

Seminar davomida ishsiz xotin-qizlarni kasb-hunarga o‘qitish orqali ularning bandligini ta’minlash, daromad topishiga yo‘naltirish haqida ta’kidlandi.