Qoraqalpog`iston Rеspublikаsi Qo'ng'irot tumani hokimligi

Bugun Qo‘ng‘irot tumani hokimligida Odam savdosiga qarshi kurashish va Munosib mehnat masalalari bo‘yicha tuman komissiyasining yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining 2023-yil 21-dekabrdagi “Odam savdosiga qarshi kurashish va munosib mehnat tamoyillarini keng joriy etishga oid qo‘shimcha chora-tadbirlar to‘g‘risida”gi PF–210-son Farmoni ijrosini ta’minlash masalalari muhokama qilindi.

Kun tartibiga muvofiq, tuman komissiyasi tomonidan 2026-yilning birinchi yarim yilligi davomida odam savdosining oldini olish, majburiy va bolalar mehnatiga yo‘l qo‘ymaslik, aholining huquqiy xabardorligini oshirish hamda munosib mehnat tamoyillarini keng joriy etish borasida amalga oshirilgan ishlar yuzasidan hisobot tinglandi.

Shuningdek, mas’ul tashkilotlar tomonidan olib borilgan targ‘ibot-tashviqot ishlari, aniqlangan muammolar va ularni bartaraf etish bo‘yicha ko‘rilayotgan choralar muhokama qilinib, faoliyat samaradorligini yanada oshirish yuzasidan taklif va tavsiyalar bildirildi.

Yig‘ilish yakunida 2026-yilning ikkinchi yarmida amalga oshirilishi lozim bo‘lgan ustuvor vazifalar hamda kelgusidagi chora-tadbirlar belgilab berildi. Mas’ul idora va tashkilotlar rahbarlariga ishlab chiqilgan Farmon ijrosini ta’minlash, profilaktik tadbirlarni kuchaytirish, aholining huquqiy madaniyatini yuksaltirish hamda munosib mehnat tamoyillarini amaliyotga izchil tatbiq etish yuzasidan tegishli topshiriqlar berildi.