Қўнғирот туманида “Халқ билан бирга” дастури доирасида сайёр қабул ўтказилди
2026-07-04 20:20:00 / Yangiliklar
Қорақалпоғистон Республикаси Жўқорғи Кенгеси Раиси ўринбосари Р. Нуразизов иштирокида Қўнғирот туманида Ишбилармонлар ҳаракати — Ўзбекистон Либерал-демократик партияси Қорақалпоғистон Республикаси Кенгаши ташаббуси билан “Халқ билан бирга” умуммиллий дастури доирасида навбатдаги сайёр қабул ташкил этилди.
Ўтказилган қабулда фуқаролар ҳаётида дуч келаётган муаммолар, маҳаллалардаги инфратузилма, бандлик, ижтимоий-иқтисодий ва бошқа йўналишлардаги масалалар тингланди.
Кўтарилган ҳар бир масала Жўқорғи Кенгес Раисининг ўринбосари томонидан шахсий назоратга олиниб, кўпчилигига жойида ечим топиш чоралари кўрилди. Вақт талаб этиладиганлари бўйича тегишли масъулларга аниқ топшириқлар берилди.
Шунингдек, ижтимоий ҳимояга муҳтож аҳолини қўллаб-қувватлаш мақсадида бир қатор амалий ёрдамлар кўрсатилди.