“Sog‘lom tanda — sifatli tibbiyot” shiori ostida sport musobaqalari o‘tkazildi
2026-04-14 19:50:00 / Yangiliklar
Besh tashabbus olimpiadasi doirasida Qo‘ng‘irot tumani tibbiyot birlashmasi xodimlari o‘rtasida “Sog‘lom tanda — sifatli tibbiyot” shiori ostida Kasaba uyushmasi Federatsiyasi kubogi sport musobaqalarining 1-bosqichi yuqori saviyada tashkil etildi.
Mazkur tadbirda sportning voleybol, mini-futbol, stol tennisi, shaxmat hamda shashka turlari bo‘yicha qizg‘in bellashuvlar bo‘lib o‘tdi. Musobaqalar davomida ishtirokchilar o‘zlarining jismoniy tayyorgarligi, chaqqonligi va jamoaviy hamjihatligini namoyon etdilar.
Ko‘tarinki ruh va sog‘lom raqobat muhitida o‘tgan sport bahslari yakunida g‘olib va sovrindorlar aniqlanib, ular tashkilotchilar tomonidan munosib taqdirlandi.
Ushbu sport tadbiri xodimlar o‘rtasida sog‘lom turmush tarzini targ‘ib qilish, jamoada do‘stlik va hamjihatlikni mustahkamlashga xizmat qildi.