Qaljan Ayimbetova “Yil ayoli” tanlovining respublika bosqichi sovrindori
2025-12-24 18:05:00 / Yangiliklar
O‘zbekiston Respublikasi Oila va xotin-qizlar qo‘mitasi tomonidan “Yil ayoli” milliy tanlovi e’lon qilingan bo‘lib, unda davlat va jamiyat hayotida faol ishtirok etib, o‘zining mehnati, ijtimoiy faolligi, oiladagi ibratli namunasi hamda farzandlar tarbiyasidagi munosib o‘rni bilan ajralib turgan xotin-qizlarni aniqlash va rag'batlantirish maqsad qilingan.
Tanlovning tuman bosqichida mahallalardan mamlakatimizning siyosiy, iqtisodiy va ijtimoiy hayotida faol ishtirok etib kelayotgan, mehnat jamoalarida yuqori natijalarga erishgan, oilada va jamiyatda o‘rnak bo‘layotgan faol ayollar ishtirok etdi.
Mazkur tanlovning respublika bosqichida yurtimizning ijtimoiy-iqtisodiy rivojiga munosib hissa qo‘shib kelayotgan, jamoatchilik ishlarida faol bo‘lgan bir guruh xotin-qizlar munosib taqdirlandi.
Jumladan, tumanimizdagi 52-sonli umumta'lim maktabi direktori Ayimbetova Qaljan Jollibayevna “Yilning eng jonkuyar o‘qituvchisi” nominatsiyasi bilan taqdirlandi. Qaljan Jollibayevnaga mas’uliyatli va sharafli mehnat faoliyatida bundan buyon ham yuksak natijalar, mustahkam sog'liq va ulkan zafarlar tilaymiz.
Qo'ng'irot tumani hokimligi axborot xizmati