"Kiet" OFYda yangi sport maydonchasi foydalanishga topshirildi
2025-12-04 09:30:00 / Yangiliklar
"Kiet" OFYda yangi sport maydonchasi foydalanishga topshirildi
Tashabbusli byudjet dasturining 2025-yilgi 1-mavsumida "Kiet" OFYda joylashgan 18-sonli umumiy o‘rta ta’lim maktabi hududida zamonaviy universal sport maydonchasini qurish bo‘yicha taklif ilgari surilgandi. Mahalla aholisi ushbu tashabbusni faol qo‘llab-quvvatlab, 1961 ta ovoz bilan mavsum g‘oliblaridan biri deb topildi.
Bugun esa ushbu taklif amaliy natijaga aylandi — barcha qulayliklarga ega bo‘lgan sport maydonchasi foydalanishga topshirildi. Endilikda ushbu hudud yoshlari futbol, voleybol, basketbol kabi turli sport turlari bilan shug‘ullanishi, bo‘sh vaqtini mazmunli o‘tkazishi va sog‘lom turmush tarzini yo‘lga qo‘yishi uchun qulay sharoitlar yaratildi.
Mahallada amalga oshirilgan ushbu loyiha yoshlar bandligini ta’minlash, ularni sportga keng jalb etish va sog‘lom avlodni tarbiyalashga xizmat qiladi.
Aholi tomonidan bildirgan ishonch va faol fuqarolik pozitsiyasi ushbu natijaga erishishda muhim o‘rin tutdi.
Qo'ng'irot tumani hokimligi axborot xizmati