АЗИЗ КАТТАҚЎРҒОНЛИКЛАР, МУСТАҚИЛЛИК БАЙРАМИ МУБОРАК БЎЛСИН!
2026-09-01 09:00:00 / Hokim ma’ruza va tabriklari
Асрлар оша ота-боболаримиз армони бўлган энг буюк орзу — озод ва мустақил Ватан эди. Бугун ана шу улуғ неъматнинг 35 йиллигини тинчлик ва шукроналик билан нишонламоқдамиз.
Юртимизда амалга оширилаётган жадал ислоҳотлар, янгиланиш ва бунёдкорлик ишлари Каттақўрғон туманида ҳам изчил давом этмоқда. Туманимиз Янги Ўзбекистон қиёфасида тобора обод ва замонавий ҳудудга айланиб бормоқда.
Маҳаллалар ободлиги, саноат ва қурилиш, таълим, тиббиёт, спорт ҳамда аҳоли фаровонлиги йўлидаги эзгу ишлар янги босқичга кўтарилмоқда. Бу натижалар замирида халқимизнинг бирдамлиги ва бунёдкорлик салоҳияти мужассам.
Барча каттақўрғонликларни Мустақиллигимизнинг 35 йиллиги билан самимий муборакбод этаман!
Хонадонингиздан файзу барака, қалбингиздан умид ва ишонч аримасин. Мустақиллигимиз абадий, Ватанимиз тинч, аҳолимиз фаровон бўлсин! 🇺🇿