“Halollik orollari” – Kattaqo‘rg‘onda korrupsiyaga qarshi kurash bo‘yicha seminarning ikkinchi bosqichi bo‘lib o‘tdi
2026-05-26 14:00:00 / Yangiliklar
O‘zbekiston Respublikasi Korrupsiyaga qarshi kurashish agentligi va BMT Taraqqiyot dasturining Yevropa Ittifoqi tomonidan moliyalashtirilayotgan “O‘zbekistonda korrupsiyaga qarshi milliy ekotizimni mustahkamlash” qo‘shma loyihasi doirasida malakali trenerlar tomonidan mashg‘ulotlar o‘tkazilmoqda.
Kattaqo‘rg‘on tumani hokimligi hamda tumandagi tashkilot, korxona va muassasalarda faoliyat yuritayotgan rahbar va mutaxassislar ishtirokida “Halollik orollari” metodologiyasini joriy etish bo‘yicha o‘quv seminarning ikkinchi bosqichi tashkil etildi.
Mazkur seminarning asosiy maqsadi tumandagi zaif hududlarni aniqlash, korrupsiyaning oldini olish strategiyalarini ishlab chiqish va 2026–2027-yillarga mo‘ljallangan strategik harakatlar rejasini yakunlash masalalariga bag‘ishlangan.