NAVBATDAGI APPARAT YIG‘ILISHI O‘TKAZILDI
2026-07-07 20:00:00 / Yangiliklar
NAVBATDAGI APPARAT YIG‘ILISHI O‘TKAZILDI
Tuman hokimi J.Pardayev, prokuror, IIB boshlig‘i, Soliq inspeksiyasi rahbari, tegishli o‘rinbosarlar, korxona va tashkilotlar vakillari ishtirokida navbatdagi apparat yig‘ilishi o‘tkazildi.
Muhokamada, tumanimizni ijtimoiy-iqtisodiy rivojlantirish, obodonlashtirish, kambag‘allikni qisqartirish, ijro intizomi, soliq va boshqa kommunal to‘lovlarni o‘z vaqtida to‘lash, aholi murojaatlari va ularni qiynayotgan masalalarni bartaraf etish bo‘yicha bajarilishi lozim bo‘lgan ishlar xususida so‘z yuritildi.
Bundan tashqari, yashirin iqtisodiyotga qarshi kurashish, korrupsiyaga nisbatan murosasiz munosabatni shakllantirish, kiberjinoyatlarning oldini olish bo‘yicha targ‘ibot ishlarini kuchaytirish, aholi tomorqasi va ijara yerlaridan unumli foydalanish, asosiy yo‘l yoqalari va ichki ko‘chalar holati, "Yashil makon" dasturi asosida ekilgan ko‘chatlarni sug‘orish tizimi kabi masalalarga ham alohida eʼtibor qaratilib, bu boradagi vazifalar belgilandi.
Yig‘ilish yakunida masʼullarga aniq ko‘rsatma va topshiriqlar yuklatilib, ularning ijrosini taʼminlash bo'yicha muddatlar berildi.