8 yillik muammo yechim topib, 1000 nafardan ortiq aholi toza ichimlik suvi bilan taʼminlandi
2026-06-23 16:00:00 / Yangiliklar
8 yillik muammo yechim topib, 1000 nafardan ortiq aholi toza ichimlik suvi bilan taʼminlandi
Qo‘shquduq mahallasining aholisini 8 yildan buyon ichimlik suvi muammosi qiynab kelar edi.
Tuman hokimligi tashabbusi, faollar mehnati va aholi birdamligida bugun mazkur qishloqda yashovchi 1000 nafardan ortiq fuqaro to‘liq toza ichimlik suvi bilan taʼminlandi.
Bunda qishloq hududidagi, 2018-yildan buyon ishlamay turgan eski suv inshooti yangilanib, 320 metr chuqurlikdan suv chiqarildi.
1,5 kilometr yangi tarmoq tortilib, mavjud tarmoqqa yana qo‘shimcha 250 ta xonadon ulandi.
Ushbu ezgu tashabbus qishloq ahlining uzoq yillik muammolariga yakun yasab, quvonchiga sabab bo‘ldi.
Tizimli ishlar natijasi va aholi birdamligida erishilgan bu kabi yutuqlar hududlarning obodligini taʼminlash hamda turmush farovonligini ta'minlashda muhim ahamiyat kasb etadi.