Toshkent viloyati O'rta Chirchiq tumani hokimligi

O‘zbekiston Respublikasi Prezidentining 2025-yil 3-noyabrdagi PF-207-son Farmoni bilan tasdiqlangan "Giyohvandlik va narkojinoyatlarning barvaqt oldini olish hamda ularga qarshi kurashish bo‘yicha 2025 - 2026-yillarga mo‘Ijallangan kompleks amaliy harakatlar milliy dasturi"da fevral oyida "Yoshlar orasida giyohvandlik va psixotrop moddalarning tarqalishiga qarshi kurashish" keng qamrovli tezkor-profilaktik oyligini o‘tkazish vazifasi belgilangan. Mazkur topshiriq ijrosini ta'minlash, oylikni yuqori saviyada tashkil etish, shuningdek, yoshlar orasida narkojinoyatlar va giyohvandlikka chalinish bilan bog‘liq holatlarni oldini olish borasida amalga oshirilayotgan ishlarni keng ommaga yetkazish maqsadida O‘rta Chirchiq tumani hokimligida matbuot anjumani hamda "Yoshlar forumi"ni o‘tkazildi.