Surxondaryo viloyati Oltinsoy tumani hokimligi

#qabul
#oltinsoy

Tuman hokimining navbatdagi fuqarolar qabuli bo‘lib o‘tdi

Oltinsoy tumani hokimi Otabek Mavlyanovning navbatdagi fuqarolar qabuli bo‘lib o‘tdi.
 

Qabul davomida tumanning turli hududlaridan kelgan fuqarolarning murojaatlari, taklif va muammolari batafsil tinglandi.

Fuqarolar tomonidan bandlik, ijtimoiy himoya, uy-joy, yer va kadastr, kommunal xizmatlar, yo‘l infratuzilmasi hamda boshqa dolzarb masalalar yuzasidan murojaatlar bildirildi.

Har bir murojaat mas’ullar ishtirokida atroflicha muhokama qilinib, muammolarni imkon qadar joyida hal etish choralariga alohida e’tibor qaratildi.
 

Murojaatlarning aksariyati bo‘yicha mas’ul tashkilot va mutasaddilarga aniq vazifalar belgilanib, ijrosini ta’minlash yuzasidan tegishli topshiriq va ko‘rsatmalar berildi. Hal etilishi qo‘shimcha vaqt va o‘rganishni talab qiladigan murojaatlar esa nazoratga olindi.

Tuman hokimi fuqarolar bilan muloqotda har bir murojaat ortida inson taqdiri va uning muammosi turganini ta’kidlab, mas’ullarga murojaatlarni yuzaki ko‘rib chiqmasdan, amaliy yechim topish, fuqarolarni sarson qilmaslik hamda belgilangan vazifalar ijrosini ta’minlash bo‘yicha ko‘rsatmalar berdi.

Fuqarolar bilan ochiq va bevosita muloqotni yo‘lga qo‘yish, aholi murojaatlarida ko‘tarilayotgan masalalarni o‘z vaqtida aniqlash va ularni amaliy hal etish borasidagi ishlar izchil davom ettiriladi.

#Oltinsoy
#FuqarolarQabuli
#OchiqMuloqot
#Murojaatlar
#AmaliyYechim

✍️🇺🇿🇺🇿Oltinsoy tumani hokimligi Axborot xizmati  🇺🇿🇺🇿

📱telegram🌎oltinsoy.uz|📱Facebook|📱Youtube |📱Instagram