Namangan viloyati Norin tumani hokimligi

Murojaatda Yangi O‘zbekistonni barpo etish yo‘lida quyidagi 6 ta muhim va strategik yo‘nalish alohida belgilab berildi

1. Iqtisodiyotni barqaror rivojlantirish.

2026 yilda tadbirkorlikni qo‘llab-quvvatlash, investisiya muhitini takomillashtirish va yangi ish o‘rinlarini yaratish orqali iqtisodiy o‘sishni ta’minlash ustuvor vazifalardan biri sifatida belgilandi.

2. Aholi turmush darajasini oshirish va ijtimoiy himoya.

Ijtimoiy dasturlarni yanada kengaytirish, kam ta’minlangan oilalar va ehtiyojmand fuqarolarni qo‘llab-quvvatlash 2026 yilda davlat siyosati markazida bo‘ladi.

3. Ta’lim va sog‘liqni saqlash sohalarini rivojlantirish.

Yosh avlod uchun sifatli ta’lim, zamonaviy sog‘liqni saqlash xizmatlarini yo‘lga qo‘yish, sog‘lom va bilimli jamiyatni shakllantirish 2026 yilda ustuvor vazifalardan hisoblanadi.

4. Qonun ustuvorligi va inson qadrini ta’minlash.

Adolatli sudlov tizimi, qonun ustuvorligi, inson huquq va erkinliklarini himoya qilish, davlat idoralarining mas’uliyatini oshirish 2026 yilda ham asosiy maqsadlar qatoridan joy oldi.

5. Hududlarni kompleks rivojlantirish va mahalla tizimi.

Mahalla, jamoatchilik boshqaruvi va joylarda samarali bo‘lgan ishlab chiqarish va ijtimoiy infratuzilma loyihalarini amalga oshirish orqali barcha hududlarda yashash sharoitlarini yaxshilash — yil nomi bilan to‘liq mos yo‘nalish.

6. Yoshlar va xotin-qizlar uchun imkoniyatlarni kengaytirish.

Yoshlar, xotin-qizlar va ijtimoiy faol fuqarolar uchun yangi imkoniyatlar yaratish, ma’naviy-axloqiy qadriyatlarni mustahkamlash 2026 yilning muhim yo‘nalishlaridan biri sifatida belgilandi.

Ushbu murojaat 2026 yilda “Mahallani rivojlantirish va jamiyatni yuksaltirish yili”ning vazifa va maqsadlarini samarali amalga oshirishga yo‘naltirilgan aniq yo‘l xaritasi sifatida xizmat qiladi. 

Malika Tadjibayeva,
Ma’naviyat va ma’rifat markazi Norin tuman bo‘limi rahbari, tuman Kengashi deputati