“iFlyTek” kompaniyasi Vitse-prezidenti bilan turli sohalarda sun’iy intellekt texnologiyalarini rivojlantirish istiqbollari muhokama qilindi

Uchrashuv davomida “Muxlisa” loyihasi muhokama qilindi hamda uni O‘zbekistonda aqlli ovoz funksiyasiga ega zamonaviy BYD elektromobillariga integratsiyalash masalalariga e’tibor qaratildi. 

Shuningdek, turli sohalarda sun’iy intellekt texnologiyalarini joriy etish bo‘yicha o‘zaro manfaatli hamkorlik istiqbollari muhokama qilindi.

“iFlyTek” sun’iy intellekt dasturiy ta’minoti va xizmatlarini yetkazib beruvchi, ayniqsa, ovozni aniqlash, tasvirni qayta ishlash sohalarida xizmat ko‘rsatuvchi kompaniya hisoblanadi. Kompaniya 1999-yilda tashkil etilgan bo‘lib, kompaniya sun’iy intellekt sohasida dunyodagi eng innovatsion kompaniyalardan biri sifatida tan olingan.

Uchrashuvda kompaniya bilan hamkorlikda O‘zbekistonda sun’iy intellektni rivojlantirish, qo‘shma loyihalarni ishlab chiqish, texnologik startaplarga sarmoya kiritish masalari ko‘rib chiqildi.

Ma’lumot uchun: joriy yil yanvar oyida UZINFOCOM iFlyTek va BYD kompaniyalari oʻrtasida rasmiy uch tomonlama bitim imzolanib, unga koʻra 2024-yil oxirigacha BYD avtomobillarida oʻzbek tilida Muxlisa AI ovozli yordamchisi o‘rnatilishi kelishib olingan edi.