Sohadagi istiqbolli rejalar muhokama qilindi
2024-04-16 09:45:00 / Yangiliklar
Sport vaziri Adham Ikramov mamlakatimizda talabalar sportini yangi tizim asosida tashkil qilish va sport faoliyati taʼlim yoʻnalishini takomillashtirish hamda 2 yil davomida mahallalarda barpo etilgan sport maydonchalarni hozirgi holatini oʻrganish, tahlil qilish va kelgusida samarali foydalanish boʻyicha taqdimotlar bilan tanishdi.
Dastlab, talabalar sportini yangi tizim asosida tashkil qilish boʻyicha ishlar koʻrib chiqildi. Shundan soʻng, har bir hududdagi sport maydonchalarining holati boʻyicha axborotlar tinglandi.
Taqdimot yakunida Sport vaziri A. Ikramov masʼullarga talabalarni sport bilan shugʻullanishlari uchun keng imkoniyatlar yaratish, sport maydonchalarining holatini nazorat qilish boʻyicha kerakli tavsiya hamda koʻrsatmalarni berdi.