Turkiyaning “AKSA Energy” kompaniyasi bilan sarmoyaviy loyihalar muhokama qilindi
2024-02-28 17:10:00 / Yangiliklar
Iqtisodiyot va moliya vazirligida vazirlik rahbariyati bilan Turkiyaning “AKSA Energy” kompaniyasi boshqaruvi raisi Jemil Kazanji boshchiligidagi delegatsiya vakillari o‘rtasida uchrashuv bo‘lib o‘tdi.
Muzokaralar davomida “AKSA Energy” kompaniyasi tomonidan O‘zbekistonda davlat-xususiy sheriklik asosida amalga oshirilayotgan investitsiya loyihalarining bugungi holati, shuningdek, energetika sohasida ikki tomonlama hamkorlikni chuqurlashtirish istiqbollari muhokama qilindi.
Uchrashuv yakunida tomonlar ikki tomonlama munosabatlarni yanada mustahkamlashga tayyor ekanligini bildirdi.
Ma’lumot uchun: “AKSA Energy”— 1960-yilda tashkil etilgan “Kazanci Holding” tuzilmasi tarkibiga kiradi. Xolding nafaqat energetika, balki qishloq xo‘jaligi va turizm sohalarida ham loyihalar ishlab chiqadi. Shuningdek, kompaniya qator mamlakatlarda: Turkiya, Gana, Madagaskar, Mali, Kongo va O‘zbekistonda elektr stansiyalarini qurmoqda.