Xalqaro moliya korporatsiyasi (XMK) vakillari bilan uchrashuv bo‘lib o‘tdi

Yigʻilishda Oʻzbekiston tomonidan Iqtisodiyot va moliya vaziri oʻrinbosarlari Bobur Xodjayev va Otabek Fozilkarimov, Sogʻliqni saqlash vaziri oʻrinbosari Farxodjon Toshpoʻlatov, Maktabgacha taʼlim va maktab taʼlimi vaziri oʻrinbosari Temurjon Komilov hamda boshqa masʼul shaxslar ishtirok etdi. Xorijiy tomondan Turkiya va Markaziy Osiyo mintaqasi boʻyicha bosh sarmoyaviy mutaxassis Shabana Xavar, XKMning Oʻzbekiston va Turkmanistondagi mintaqaviy menejeri Nil Makkeyn va IFCning boshqa vakillari ishtirok etdi.

Uchrashuvda 2023-yilda O‘zbekistonning Xalqaro moliya korporatsiyasi bilan hamkorligi doirasida iqtisodiy va ijtimoiy sohalarda erishilgan yutuqlar va amalga oshirilgan loyihalar qayd etildi. Shuningdek, 2024-yilda amalga oshirilishi rejalashtirilgan loyihalar ham ko‘rib chiqildi, ularning ustuvor yo‘nalishi hududlarda sog‘liqni saqlash va suv ta’minoti sohasidagi loyihalardir.

Ta’lim sohasidagi DXSh loyihalariga alohida e’tibor qaratildi. Maktablarni zamonaviy asbob-uskunalar bilan jihozlash, bolalarning bilim olishi uchun qulay sharoitlar yaratishga qaratilgan dasturlar ko‘rib chiqilmoqda.

O‘zbekiston va Xalqaro moliya korporatsiyasi o‘rtasidagi hamkorlikning mamlakat taraqqiyotiga xizmat qiluvchi turli loyihalarni amalga oshirishdagi ahamiyati alohida ta’kidlandi. Tomonlar umumiy maqsadlarga erishish va barqaror iqtisodiy o‘sish yo‘lida hamkorlikni davom ettirishga tayyor ekanliklarini bildirdi.