Shuningdek, kompaniyaning noyob zamonaviy texnologiyalari to‘g‘risida ma’lumotlar olindi.

Shundan so‘ng bo‘lib o‘tgan muzokara chog‘ida Pegatron bosh menejeri Lin Yonchin, boshqaruv direktori Ju Yujan, ASUS guruhi kompyuter texnologiyalari bosh menedjeri Gao Siyan va Zedjian savdo bankining Chunsin filiali bosh direktori Van Yunkun bilan ASUS mahsulotlarini O‘zbekistonda ishlab chiqarishni yo‘lga qo‘yish, ushbu yo‘nalishda malakali kadrlarni tayyorlash va kompyuterlarni imtiyozli shartlarda sotib olish imkoniyatlari muhokama qilindi. 

Uchrashuv so‘ngida ASUS kompaniyasi vakillari tomonidan taklif etilayotgan hamkorlik yo‘nalishlarini va O‘zbekistonda o‘z mahsulotlarini ishlab chiqarishni yo‘lga qo‘yish masalasi qo‘rib chiqilib, hamkorlik shakllari bo‘yicha takliflar taqdim etishi ma’lum qilindi.

Ma’lumot uchun: Pegatron zavodi ASUS elektrotexnika maxsulotlarini maxsus texnologiyalar asosida ishlab chiqaruvchi, Xitoyning dunyoga taniqli eng yirik kompaniyalaridan biri hisoblanadi. ASUS guruhi dunyo bo‘ylab 20 ming xodim, 5 ming nafar malakali tadqiqotchilari va 10 dan ziyod elektrotexnika mahsulotlariga ega. Dunyoning TOP-300 ga kirgan eng nufuzli kompaniyalaridan biri hisoblanadi. ASUS kompyuter mahsulotlari sifati bo‘yicha dunyoda Apple kompaniyasidan so‘ng ikkinchi o‘rinni egallaydi. ASUS texnologiyalari Tesla kompaniyasining avtomobillarida va “Mir” birinchi kosmik stansiyasida qo‘llanilgan