Uchrashuvda mazkur kompaniya bilan mamlakatimiz aviatransport tarmog‘ini raqamlashtirish, raqamli texnologiyalar va transport infratuzilmasini boshqarishning avtomatlashtirilgan tizimlari sohasidagi hamkorlikni kengaytirish masalalari muhokama etildi. 

Xususan, tomonlar aviaqatnovlarda yo‘lovchilar va ularning bagajiga xizmat ko‘rsatishni avtomatlashtirilgan Digital Travel biometrik ekotizimini yaratish, aeroportlarni kompleks boshqarish konsepsiyasini ishlab chiqish hamda yo‘lovchi va bagaj ma’lumotlarini yig‘ish va qayta ishlash platformasini yaratish yuzasidan fikr almashdilar.