Sport vazirligida uchrashuv
2025-03-27 13:45:00 / Yangiliklar
Bugun Sport vaziri Adkham Ikramov Rossiya Federatsiyasining "Rosatom" tashkiloti qoshidagi "Zamonaviy sport texnologiyalari" markazi direktori Sergey Fomin bilan uchrashdi.
Uchrashuv davomida O‘zbekistonda ommaviy sportni rivojlantirish borasida amalga oshirilayotgan ishlar va sport sohasida erishilayotgan ulkan natijalar alohida e’tirof etildi.
Ta’kidlash joizki, S.Fomin uzoq yillar davomida basketbol sport turini mintaqada va dunyoda ommalashtirishga ulkan hissa qo‘shib kelmoqda. Mazkur uchrashuvda ham mamlakatimizda ushbu sport turini hududlarda rivojlantirish borasida alohida takliflar ilgari surildi.
Shuningdek, tadbir davomida o‘zaro hamkorlikda musobaqalar tashkil etish, tajriba almashish va hamkorlik aloqalarini yanada yaxshilash bo‘yicha kelishib olindi.