Yaponiyaning ROTOBO uyushmasi vakillari bilan uchrashuv boʻlib oʻtdi

Maʼlumot uchun: Yaponiyaning Rossiya va yangi mustaqil davlatlar bilan savdo boʻyicha uyushmasi (ROTOBO) 1967-yilning 16-yanvarida tashkil etilgan. Uyushma yapon korxonalari va Yevroosiyoning sobiq sotsialistik mamlakatlari (Rossiya, Ukraina, Belarus, Moldova, Qozogʻiston, Qirgʻiziston, Oʻzbekiston, Turkmaniston, Tojikiston, Ozarbayjon, Armaniston, Gruziya va Moʻgʻuliston) oʻrtasida savdo hamda ishbilarmonlik boʻyicha hamkorlikka koʻmaklashadi. ROTOBO tarkibiga 200 ga yaqin aʼzo kompaniyalar, xususan, savdo firmalari, ishlab chiqaruvchilar, banklar, qimmatli qogʻozlar sohasida faoliyat yurituvchi kompaniyalar, sanoat uyushmalari, transport va yuk tashish kompaniyalari hamda mahalliy hokimiyat organlari kiradi.

Muloqot davomida Masami Iijima Yaponiya hamjamiyatining Markaziy Osiyoga, xususan, Oʻzbekistonga boʻlgan qiziqishi toʻgʻrisida toʻxtalib oʻtdi. ROTOBO prezidenti strategik hamkorlik orqali erishilgan yutuqlarni qayd etib, ushbu hamkorlik aloqalarini yanada rivojlantirishni davom ettirishga tayyorligini maʼlum qildi.

Uchrashuv yakunida tomonlar hamkorlikni davom ettirishga tayyor ekanliklarini yana bir bor taʼkidladilar. Shuningdek, Oʻzbekiston va Yaponiya oʻrtasidagi aloqalarni mustahkamlashga xizmat qilayotgan muzokaralarning natijadorligi hamda samaradorligi qayd etib oʻtildi.