Jahon bankining Yevropa va Markaziy Osiyo bo‘yicha mintaqaviy direktori bilan uchrashuv

Uchrashuvda Iqtisodiyot va moliya vazirining o‘rinbosarlari Ahadbek Haydarov, Jasur Qarshiboyev, Jahon bankining O‘zbekistondagi vakolatxonasi rahbari Marko Mantovanelli, Markaziy Osiyo bo‘yicha dastur menejeri, yetakchi iqtisodchi Devid Nayt hamda boshqa mas’ul shaxslar ishtirok etdilar.

Suhbat davomida sohaga investitsiyalarni jalb etish orqali istiqbolli moliyalashtirish loyihalari, jumladan, qishloq hududlari infratuzilmasini modernizatsiya qilish va raqamlashtirish jarayonlari muhokama qilindi.

O‘zbekistonning bozor iqtisodiyotiga o‘tish, davlat korxonalarini o‘zgartirish va xususiylashtirish jarayonida Jahon banki tomonidan qo‘llab-quvvatlanishi bilan bog‘liq qo‘shma loyihalar va kelishuvlarni amalga oshirishning joriy holati muhokama qilindi. Shu jumladan, qashshoqlikka qarshi kurashish strategiyasini amalga oshirishning turli jihatlari, jumladan, ayollar va yoshlarni qo‘llab-quvvatlash hamda kasbiy mahoratini oshirish bo‘yicha hamkorlik dasturlari ko‘rib chiqildi.