II MDH o‘yinlaridan qaytgan O‘zbekiston sport delegatsiyasi Vatanimizda tantanali tarzda kutib olindi
2023-08-16 12:25:50 / Yangiliklar
Xabaringiz bor, Belarusda II MDH o‘yinlari o‘z nihoyasiga yetdi.
Ushbu musobaqada O‘zbekiston sport delegatsiyasi 28 ta oltin, 25 ta kumush va 53 ta bronza, jami 106 ta medal bilan umumjamoa hisobida uchinchi oʻrinni egalladi.
Bugun tong saharda sportchilarimiz yurtimizga qaytib kelishdi. Ular avvaliga Islom Karimov nomidagi Toshkent xalqaro aeroportida kutib olindi. So‘ngra tantanali marosim Milliy Olimpiya qo‘mitasi binosida davom etdi.
Ushbu tantanali tadbirda O‘zbekiston Respublikasi Bosh vaziri o‘rinbosari Ochilboy Ramatov, Yoshlar siyosati va sport vaziri Adkham Ikramov, Milliy Olimpiya qo‘mitasi Bosh kotibi Oybek Kasimov, sport federatsiyalari, assosiatsiyalari rahbarlari, sportchilarning yaqinlari hamda OAV xodimlari ishtirok etishdi.